RHINGDÖCHTER

Kölsche Leeder un Leeder op kölsch

STÄÄNEKRÄNK                          Lammers / Steffen / Engel

Kumm un schleß ding Aure zo
Die Nach es sanf un schön wie du
Loß mich dir zeije wie jän ich dich han
Un halt mich esu e Lääve lang

Kumm un schleß ding Aure zo
Die Nach es söß un dä Mond es wie du
Kumm loß uns mache, wat uns jefällt
Kumm, loß uns danze an et Engk vun der Welt

Alles drieht sich öm uns eröm,
Himmel un Ääd, Jott un de Welt
Zesamme, zesamme
Alles drieht sich wie em Kreis
Stänekränk un bedrunke vun Dir

Kumm un schleß Ding Aure zo
Die Nach es su söß un der Mond es wie du
Loß mich Dir zeije wie jän ich Dich han
Un halt mich esu e Lääve lang
Kumm loß uns mache, wat uns jefällt
Kumm laß uns danze an et Engk vun d’r Welt