RHINGDÖCHTER

Kölsche Leeder un Leeder op kölsch

ET RÄÄNT EN DR RHING       Brings / Schwab

Die joldene Däächer vum Ludwig sin jrau
Un dä Verkehr dröhnt die Bröcke kapott
Do hinge määt einer ´ne Köpper vum Dom
Un ich wünsch, ich wör janz wigg fott

Un et räänt en d´r Rhing, et räänt en d´r Rhing

Die Stroosse, die kühme un schreie
Un jeder es jedem em Wääch
Un övver dä Drachefels krüff widder ens
Ein vun denne vell ze lange Nääch

Un et räänt en d´r Rhing,
Un et räänt, jo et räänt, räänt en d´r Rhing
Et räänt, jo, et räänt en dr Rhing

Die Möwe sin plötzlich janz still
Nur ne Schlepper hüült wie ´ne Schakal
Mensch, wat es mer dat alles vertraut
Nur dä Wing, dä ich drinke, schmeck´ schal

Un et räänt en d´r Rhing,
Un et räänt, jo et räänt, räänt en d´r Rhing
Et räänt, et räänt en dr Rhing

Ich jonn jetz´ einfach övver dat Wasser
Einfach su op die andere Sick
Drink met dä Döm noch e Schlückche
Un roofe Prooss op die iewije Zick

Un et räänt en d´r Rhing, et räänt en d´r Rhing

Die jotische Monster, die jrinse un flüstere
Kumm, Mädche, kumm doch erop
Un die Jlocke verrode ming Sünde
Ävver dä Bischoff, dä Düüvel un ich
Mir driesse jet drop

Un et räänt, jo, et räänt, räänt en d´r Rhing
Et räänt, oh, et räänt en dr Rhing