RHINGDÖCHTER

Kölsche Leeder un Leeder op kölsch

JEDANZ                        Schlimbach / Schlimbach

Mir woren jo su cool
Mir han jedach, dat wat mir han
Han mir e Levve lang
Han zerresse uns de Muul
Üvver die Lück, die sich bemöht
Ze halde wat se han

Du un ich, mir woren vill zo cool öm zozojevve
Du un ich, han Stöck vür Stöck opjehoot ze levve

Mir han nur einmol jedanz
Uns nur einmol em selve Takt bewääch
Mir han nur einmol jedanz
Nur einmol spaziert dä selve Wääch
Mir han nur einmol jedanz

Un ich jööv alles öm noch einmol ding Hätz ze hüre
Dinge Ärm ze spüre
Ding Hand en minger Hand
Mir han nur einmol jedanz

Mir woren jo su blöd
Mir wollten doch su vill un han jewaad
Wat sich erjitt
Vum Alltag satt un möd
Hätt doch jeder für sich jehoff
Dat noch jet besseres für ihn kütt

Du un ich , mir woren vill ze fuul öm zozojevve
Du un ich , han fottjeworfe unser besssje Levve

Mir han nur einmol jedanz
Uns nur einmol em selve Takt bewääch
Mir han nur einmol jedanz
Nur einmol spaziert dä selve Wääch
Mir han nur einmol jedanz

Un ich jööv alles öm noch einmol ding Hätz ze hüre
Dinge Ärm ze spüre
Ding Hand en minger Hand
Mir han nur einmol jedanz