RHINGDÖCHTER

Kölsche Leeder un Leeder op kölsch

IRJENDJET JOODES

Ich luure en ding Auge
Fahre durch ding Hoor
Un op einmol weed mir alles klor
Doch ich kann nix sare
Et hät keine Zweck
Ich bruch jet Zick
Ich mach mich doch nit zom jeck

Ich weiß jenau, wat du denks
Ich weiß dat du mir ding Hätz nie schenks
Doch irjendjet Jodes, muss et sin
Irjendjet Jodes wat ich für dich ben

Un ich denke ahn doheim
Denke aan uns Pänz
Denk aan mieh Lääve
Un wie die Zick rennt
Un wie mir uns beeje
Domet et wiggerjeit
Un wie mir leeje
Domet et wiggerjeit

Ich weiß jenau, wat du denks
Un dat du mir ding Hätz nie schenks
Doch irjendjet Jodes muss et sin
Irjendjet Jodes wat ich für dich ben

Un ich ben im Endspurt
Wo immer och hin
Dohin wo mer mich bruch
Wo immer och hin
Un ich föhle ich muss mich füje
Ejal wat passiert
Ich muss dich verliere
Weil et doch zo nix führt

Denn ich weiß jenau, wat du denks
Un dat du mir ding Hätz niemols schenks
Doch irjendjet Jodes muss et sin
Irjendjet Jodes, wat ich für dich ben