RHINGDÖCHTER

Kölsche Leeder un Leeder op kölsch

ICH BEN FOTT               Rybo / Schiffer            

Die Bud es kalt, die Bud es leer,
Et es och vill zo lang ald her
Et bedde hätt all nix jenötz
Du wullts nit blieve wo Do bes
Et jitt he nix mieh, wat mich hält
Ich blieve he nit avjestellt
Ich waade och nit mieh op Dich
Un driehe mich nit öm

Dat han ich och noch nie jedonn
Zom laache en dr Keller jonn
Ich ben fott, ich danz us dr Reih,
Bedde un beddle ben ich nit dobei

Ich stonn he op dr Kreuzung
Aan dä Felder vun „Ich well nit mieh“
Ich luure he de Stroße lang
Ich freue mich un ben och bang
Die Bröcke hinger mir verbrannt
Dat hatt ich su noch nit jekannt
Ich weiß, dat ich jejange ben
Ich weiß, ich kumme aan dohin

Dat han ich och noch nie jedonn
Zom laache en dr Keller jonn
Ich ben fott, ich danz us dr Reih,
Bedde un beddle ben ich nit dobei

Et spillt för mich och jar kein Roll
Op Du kapier´s, ich han de Nas su voll
Hück naach bes Do allein

Ich ben fott, ich danz us dr Reih
Bedde un beddle ben ich nit dobei
Ich ben fott, ich danz us dr Reih
Bedde un beddle ben ich nit dobei, nie mieh